Diasabra anochi a drenta informe di un accidente cu hende herida na Caya Papa San Juan Pablo ll, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur burachi biniendo for di Caya Juancho Kock a bay bira na man robes y a tuma e birada mucho grandi y a bay dal un palo di lus kibra y coriente a bay pa un gran parti di Dakota. Debi na e impacto e chauffeur a resulta herida, na yegada di e ambulans nan a atende e victima y a transporte pa hospital. Polis a sera e caminda pasobra e palo di lus a kibra na mitar y e wayanan di coriente a keda colga den caminda.