![](https://www.awe24.com/wp-content/uploads/2020/01/WhatsApp-Image-2020-01-08-at-1.56.53-PM-1-1024x576-668x334.jpeg?v=1578525057)
Diaranzon atardi a drenta informe di un accidente unda cu un patruya policial ta envolvi, mesora a dirigi e unidad di trafico na e sitio. Na yegada di e patruya a bin compronde cu aki ta trata di un accidente unda cu e dama chauffeur di un Nissan March tabata yegando e cruzada pero no tabata mustra di bay para pa duna preferencia, e polis cu tabata stuur a pensa di desvia pa e auto aki pero tabata bini un otro auto di direccion contrario y pa evita e impacto frontal a tuma e mihor desicion di absorbe e impacto den banda di e patruya asina ningun hende resulta herida.