Diasabra atardi a drenta informe di un accidente na Catiri, mesora a dirigi un patruya na e sitio. Na yegada di e patruya testigonan a bisa polis cu un di esnan envolvi den e accidente kier a bandona e sitio. Polis mesora a bay atende cun’e y a detene. Locual a sosode ta cu e Nissan Tiida biniendo for di Soledad a subi caminda muha y e tire tabata blo slip tardando asina su subimento na e crusada pa e bay nort y e tardamento aki a pone cu e Toyota Tercel biniendo di nort a bay dal riba e Tiida. Aunke e impacto tabata fuerte toch afortunadamente ningun hende a resulta herida. Na un dado momento e chauffeur di e Tercel a coy e bumper di e Tercel hink’e den su auto y kier a core bay ya cu e ta indocumenta pero polis a yega prome cu ela logra bay. Polis a detene e chauffeur. Na casi e mesun momento cu e accidente aki a sosode e stagnacion di trafico y e caminda muha a pone un otro accidente sosode, por lesa mas di esaki den un otro informe.