Diadomingo madruga birando mainta a drenta informe di un accidente riba e caminda di Palm Beach pa Bubali, mesora a dirigi un patruya na e sitio. Na yegada di e patruya a bin compronde cu un auto di huur Kia Cerato a bay dal riba un palo di lus. Polis a nota cu e chauffeur tabata burachi y a detene. Polis a solicita presencia di bombero ya cu esaki a cuminsa saca huma. Na yegada di bombero a desconecta e bateria pa asina evita un candela. Elmar a ser avisa y a presenta ya cu coriente a bay den e vecindario. Despues di a hiba e chauffeur burachi e vehiculo di transporte mester a e regresa ya cu e ocupante cu a keda na e sitio tabata haci fastioso y tabata stroba e trabao di polis y nan a detene. Afortunadamente ningun hende a resulta herida.