Diamars anochi a drenta informe di un caso di agresion despues di ladronicia na Wan Jia Le Supercenter na Meiveld, mesora a dirigi un patruya na e sitio. Na yegada di e patruya a bin compronde cu un persona lo a bay sali cu un boter di Whisky sin paga y e empleada chines y e hoben cu ta yuda yena saco a purba par’e pero ela agredi ambos y hasta a morde e hoben cu tabata want’e. Asina mes e ladron a logra huy bay sin paga. Polis a nota cu e victimanan tabata herida y a solicita presencia di ambulans. Na yegada di ambulans nan a atende cu e victimanan. Polis a tuma e keho y a avisa recherche di e caso aki pa asina nan procede pa detene e ladron agresor aki.