Diahuebs anochi a drenta informe di un caso di hinkamento na Pavia, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso unda cu un homber a bay reclama algun hoben cu Tabata draai auto riba caminda di tera na Rooi Afo pero a start un bringamento unda den esaki un hoben a propina e homber 2 hinka y lague herida. Un rato despues e homber herida a bay na cas di e hoben cu a hink’e na Pavia pa asina mustra e mama di e hoben locual su yiu a haci. Pero como cu e homber tabata herida y sangrando ela bira zwak y a bay dal kasha coriente y porta di garashi causando daño. Como cu e ambulans no a yega y e homber Tabata perdiendo sanger a hiba e homber den auto particular pa hospital. Polis a detene e hoben cu a hinka e homber.