Diasabra atardi a drenta informe di un accidente cu hende herida na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki no ta trata di un accidente sino un intento di asesinato unda cu un dama chauffeur bayendo direccion pariba a manda su auto banda robes di caminda y a dal un motociclista di direccion contrario. Debi na e impacto e motociclista a resulta herida. E auto cu a dal e mes a sigui core bay for di e sitio. Na yegada di e ambulans nan a atende e motociclista, mientras polis a avisa recherche pa presenta y tuma e caso di intento di asesinato aki.