Diahuebs atardi laat a drenta informe di cu un boto lo a dal un persona banda di Zeerovers, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di 2 turista un masculino y e otro femenino cu lo tabata duik banda di ex-Brisas del Mar y e boto Elisabeth lo a pasa riba e personanan aki durante cu nan tabata duik y a heridenan. Un di e victimanan e feminino a ser poni riba cama mientras e otro a cana bay drenta e ambulans ambos tabata na tino y a haya atencion di prome auxilio for di esnan presente. Na yegada di e ambulans nan a atende e victimanan y a transportanan pa hospital.
