Diamars merdia a drenta informe di cu tin molester di huma pa e habitantenan pabao di Moko parti zuid, mesora a dirigi tanto polis como bomberonan na e sitio. Na yegada di e patruya a bin topa cu e candela na Moko parti pabao di Parke Curason na Jaburibari. Na yegada di bombero a nota cu aki ta trata di un candela di mondi basta grandi y a pidi refuerso di un truck mas mientras a inicia cu e combate. Despues di a lucha intensivo a logra domina e candela te paga esaki por completo. E bisiñanan pabao a haya hopi molester di e huma di e candela aki.