Diahuebs mainta a drenta informe di un accidente unda un van lo a pega na candela banda di Polyrama na Sero Patrishi, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un accidente unda un Hyundai H1 van saliendo for di Modanza a haya “chance” pa drenta pa bira bay na man robes pa bay Paradera, pero na e momentonan ey tabata bini un Toyota Yaris for di Paradera pasando e fila y esaki a bay dal semi-frontal riba e van den cual tabata tin varios mucha pa bay school. E impacto tabata fuerte pero afortunadamente ningun hende a resulta herida. Na un dado momento e van a pega na candela pero no hopi grandi cu ayudo di bisiñanan a logra paga esaki.