Diabierna anochi a drenta informe di un accidente cu hende herida banda di Eagle Convinience Market na Schotlandstraat, mesora a dirigi tanto polis como ambulans na e sitio. Na caminda pa e sitio a drenta un otro informe di cube auto cu lo a dal e peaton a sigui core bay direccion pariba. Alaves a dirigi un otro patruya pa bay tras di e auto. Na yegada di e patruya na e sitio di accidente a bin compronde cu e auto tabata drift y a pasa dal e peaton y a core bay, na yegada di e ambulans nan a atende e victima y a transporte pa hospital. Mientras e otro patruya a logra para y a detene e chauffeur na Tanki Leendert y a confisca e vehiculo Nissan Silvia.