Dialuna madruga a drenta informe di un accidente cu hende herida na Moko, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Nissan March bayendo zuid a nota un cacho a core cruza su dilanti y a bay brake diripiente pero e chauffeur su tras den un Daihatsu Zotye cu no a spera e brake diripiente a purba di brake pero a bay dal tras di e March y dal e cacho mata tambe. Door di e brake diripiente e chauffeur di e Zotye kende ta un persona di edad a dal su pecho fuertemente na e stuurwiel y tabata keha di dolor. Na yegada di e ambulans nan a atende e victima.