Diadomingo madruga a drenta informe di cu tin un dama di edad gritando pa auxilio na Sividivi, mesora a dirigi un patruya na e sitio. Na yegada di e patruya a bin compronde cu aki ta trata di un dama di edad cu a bisa cu ladronnan a drenta su cas pa horta. Ora polis a tuma e nomber di e dama mesora a haya sa cu aki ta trata di un dama cual ta conosi pa polis ya cu e tin problema di salud mental. Polis a tuma su declaracion y a sigui cu nan patruya.
