Diasabra atardi e Centro di Operacionnan Maritimo di Guarda Costa a ricibi un solicitud di MRCC di Fort de France na Martinique pa asisti en den e buskueda di varios persona cu tabata hogando den lama. E 9 personanan a desaparece cu nan barco entre St. Lucía y Martinique.

A peticion di Martinique, mesora a dirigi e avion Dash di Guarda Costra na e area indica pa inicia e buskeda. Durante e buskeda, e Dash a mira prome 2 persona landando direccion pa tera. Durante e registro den e cuadro di buskeda, e aeronave di guardacosta a encontra posteriormente 6 personas cu tabata wanta na e romp di e boto cu a bolter. Segun e sitio indica, e seis personanan a ser rescata pa un boto di rescate di Martinique y a yega sano y salvo na tera. Na e momento ey 1 persona tabata sigui desapareci y e autoridadnan di Martinique y e avion di Guarda Costa a continua cu nan buskeda dialuna. Durante e buskeda den oranan di atardi, e curpa sin bida di e ultimo cu a hoga a ser localisa den lama. Guarda Costa y awe24.com ta desea e familiarnan y amistadnan hopi forsa na e momentonan dificil aki.