Diahuebs atardi laat a drenta informe di un accidente cu hende herida na Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Kia Rio a baha caminda na man drechi y a bay dal fuertemente riba e cura di e cas. Como cu e no tabata tin seatbelt bisti den e impacto ela bay te na e otro banda di e auto y tabata for di tino cu un kap na cabes sangrando profusamente. Na yegada di e ambulans nan a atende e victima y a transporte pa hospital.