Diadomingo atardi a drenta informe di un accidente na e rotonde banda di Tempo, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur no a regula su velocidad ni a mantene distancia y a bay dal tras di e auto su dilanti. Afortunadamente ningun hende a resulta herida. Como un di e autonan ta di huur y no tin e papel di seguro cun’e a keda palabra cu door cu e tin e na oficina di e compania cu den dia dialuna lo trese esey pa caba di regla e accidente.