Diamars atardi a drenta informe di un accidente dilanti Jumana Meubels, mesora a diriginun patruya na e sitio. Na yegada si e patruya a bin compronde cu aki ta trata di un accidente “hit & run” unda cu e chauffeur di e auto cu a dal a bandona e sitio di accidente. Afortunadamente camara di seguridad a capta tur cos y polis di trafico lo bay presenta na cas of trabao di e causante di e accidente aki y lo por bay pasa den e berguensa cu polis ta bay p’e. Pesey mihor cos cu e chauffeur aki por haci ta presenta diaranson mainta tempran na oficina di polisnan di trafico na Balashi pa asina atende y regla e accidente aki.