Diamars atardi a drenta informe di un accidente cu hende herida na e crusada Julianastraat cu Irenestraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda un Jeep Wrangler Sahara di huur maneha pa un turista biniendo for di pabao den Julianastraat no a para pa duna preferencia na trafico di man drechi cual tabata un taxi Toyota Fortuner cu turistanan abordo y nan a dal den otro debi na e impacto fuerte un turista crucero tabata keha di dolor na su pia y lomba pero no tabata desea atencion di ambulans ya cu mesora despues e mester bay aborda crucero y pesey polis a cancela e ambulans.