Turista a haya problema den lama na Baby Beach y a guli hopi awa pero a rescate na tempo

Dialuna atardi a drenta informe di cu un hende a hera hoga na Baby Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di turista masculino di 68 aña, kende tabata disfrutando di e lama cu supuestamente ta trankil hasta pa e chikitonan, sinembargo loke cu hopi hende no sa cu un poco mas afo e ta bira hopi peligroso.
E turista a bay den e parti net unda dos coriente diferente ta topa otro, unda cu hopi hende a yega di haya nan mes den problema tambe. Ora cu e turista a hay’e den e situacion aki, el a bay den panico cu e consecuencia cu el a cuminsa guli awa. Algun persona a dun’e man y a logra sak’e di awa y a cuminsa dun’e ayudo, sperando yegada di ambulance.
Na momento cu Paramediconan a yega, e turista tabata na tino, pero asina mes a transporte pa Instituto Medico San Nicolas pa un control.

Share:

Leave a Reply

Your email address will not be published.