Diasabra madruga a drenta informe di un accidente basta pisa cu hende herida na Rooi Santo, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un pareha hulandes europeo a baha caminda na man robes y dal na e acera, bay dal riba un suv, bira 90° e parti patras di e auto dal un trailer pusha esaki despues bolbe bira 90° lagando basta daño atras. Debi na e impactonan aki e dama hulandes europeo a resulta herida. Na yegada di e ambulans nan a atende e dama y a transporte pa hospital, mientras e caballero hulandes europeo no a resulta herida y a ser hiba cu polis na hospital. Ningun di 2 ta corda kiko a pasa cu nan a accidenta.