Diasabra merdia a drenta informe di un accidente cu hende herida dilanti un mall na Tank Leendert, mesora a dirigi tanto polis como ambulans na e sitio. Na yegada d e patruya a bin compronde cu aki ta trata di un accidente unda un damita sin riojbewijs a sali cu e Daihatsu cuore y dilanti e mall na Tanki Leendert e no a regula su velocidad ni a mantene distancia y a bay dal fuertemente tras di e Kia Sorento cu tabata su dilanti.  E impacto tabata asina fuerte cu e dama di edad como pasahero den e Sorento a resulta herida. Na yegada di e rapid responder di ambulans a atende e dama y trankilise na e sitio mes.