Diasabra mainta a drenta informe di cu e airbus di American cu ta biniendo for di Charlotte tin problema hydraulico y ta bin baha di emergencia na Aruba cu 187 pasahero, mesora a prepara instancianan di emergencia na Aruba pa un “Klein Alarm” mesora unidadnan di bombero a sali for di nan otro postnan di Sanicolas y Tanki Flip como tambe varios ambulans a bini pa “standby” pa cualkier eventualidad. Polisnan tambe a prepara y a sera e camindanan pa si encaso mester sosode algo grandi e trafico ta liber. Afortunadamente e aterisahe a bay bon y a desactiva e alarma y a habri caminda bek. Expertonan den aviacion y e mecanico di American Airlines na Aruba a bay pa controla e fayo.