Diamars atardi a drenta informe di un accidente entre 5 vehiculo dilanti Lucy’s, mesora a dirigi patruya na e sitio. Na yegada di patruya na e sitio a bin constata cu aki chauffeur di un vcar KIA Forte no a regula su velocidad ni mantene distancia y a bay dal tras di un Hyunday Getz su dilanti. E impacto di esaki a manda e Getz bay dal tras di e Honda UTV vcar su dilanti. E impacto di esaki a manda e UTV bay pega tras di un Toyota AGYA. E chauffeur di e Toyota a purba break pero toch invano ya cu esaki a bay touch tras di e Suzuki Jimny su dilanti. Afortunadamente ningun persona a resulta herida den e accidente aki. Por a tuma nota cu e Getz a ricibi mas danjo material y te asta a e bumper a los di e auto. Polis a tuma datos di e accidente aki.