Diadomingo anochi central di polis a ricibi varios yamada di cu tin un pick-up blanco Toyota hilux service body coriendo masha malo mes na Pos Chikito bayendo direccion pabao, mesora polis a alerta patruyanan pa bin para e vehiculo aki prome cu e causa un accidente. Un rato despues a drenta informe di cu e vehiculo aki a accidenta na rotonde Ser’i Teishi. Na e accidente aki afortunadamente ningun hende a resulta herida. Polis a nota cu e homber ta hopi burachi y a detene pero no kier a sali for di e pick-up y tabata asina burachi cu ni para e por apara riba su pianan asina mes cu e ta usa kruk pa yude cana. Nan a mester a rank’e sali for di e pick-up y carg’e pa pone den e vehiculo di transporte.