Dialuna mainta a drenta informe di un accidente unda 2 auto a drenta e saliña na Rooi Frances, mesora a dirigi un patruya na e sitio. Na yegada di e patruya enberdad a bin haya 2 vehiculo den e saliña. Pero no ta trata aki di accidente unda nan lo a dal otro sino cu cada un independientemente a bay cay den e saliña. Segun e chauffeur di e pick-up e tabata biniendo fey Franse pas bayendo pa Pos Chikito y na e birada ela sinti su pick-up bati mahos pon’e perde control mand’e for di e caminda baha banda pariba di e saliña. Un rato despues un Kia Picanto a experencia e mesun cos cual a pone perde control y ela bay baha den e saliña parti pabao di caminda afortunadamente ningun hende a resulta herida. ambos vehiculo a ser saca cu takelwagen. Cosnan straño cu sa sosode.