Diasabra atardi a drenta infome di un accidente pisa y basta serio cu hende herida na Bakval, mesora a dirigi tanto polis, ambulans y tambe e equipo di rescate di bombero na e sitio. Na yegada di e patruya a nota cu aki ta trata di un accidente unda cu un suv lastrando un trailer cu boto riba dje y na dado momento e trailer lo a kita for di e vehiculo y parti di e trailer a bay drenta den e Nissan Skyline di direccion contrario desviando e Skyline pa bay dal un muraya di cas y e trailer cu boto a sigui bay unda e boto a kita for di e trailer y bay poco mas pariba. Polis a tuma nota cu e dama chauffeur di e Skyline a resulta seriamente herida y a solicita presencia di ambulans cu mas urgencia y tambe e equipo di rescate di bombero pa asina logra saca e dama for di e vehiculo. Na yegada di e ambulans a cuminsa atende e dama y manera cu bombero a logra libera e dama ambulans a transporta e victima cu urgencia pa hospital.