![](https://www.awe24.com/wp-content/uploads/2023/07/4827d422-4357-433a-bf8f-892fff6d02ed-668x334.jpeg?v=1689081019)
Diamars mainta a drenta informe di cu un dama di edad cu a cay e dia prome caba y awor atrobe a bolbe cay, e no por lanta y ta sera na lock den cas na Sabana Liber, mesora a dirigi tanto polis, ambulans como tambe bombero na e sitio. Na yegada di e patruya a bin haya bomberonan caba na e sitio y despues di a evalua cu kibra e porta cu lock caro no ta un opcion a dicdi pa kibra e glas di un bentana y bomberonan a logra drenta habri e lock pa asina polis y ambulans tambe por a pasa. Entretanto na e sitio tabata tin 2 enfermera di hospital cu a duna asistencia mientras ambulans a yega y a caba di atende e dama. E dama tin na su disposicion un “panic button” pa cualkier caso di emergencia.