Bucuti & Tara y Aruba Ta Gana Travel + Leisure 2021 World’s Best Awards Como Top Den Caribe y Mundo

EAGLE BEACH, Aruba – September 12, 2021 – Globalmente hendenan a cuminsa biaha atrobe y e miembronan di e prestigioso Travel + Leisure a declara Bucuti & Tara Beach Resort como un di e mihor experiencianan di biahe den Caribe. Anuncia 8 di September, Bucuti & Tara a sali riba e lista di Travel + Leisure’s 2021 Top 25 Resort Hotels in the Caribbean, Bermuda, and the Bahamas.

Bucuti & Tara ta e unico hotel na Aruba cu a ricibi e honor aki. Nos propio Aruba tambe a wordo nombra como e No. 3 riba e lista di The Top 25 Islands in the Caribbean, Bermuda, and the Bahamas y No. 18 den The Top 25 Islands in the World.

E premionan anual di World’s Best Awards ta celebra e miho islanan, hotelnan y aerolineanan y ta wordo nombra door di e lesadornan di Travel + Leisure. E participantenan por a vota na comienso di aña y nan por a vota pa e luganan cu nan a bishita den e ultimo 3 aña, tanto como prome cu e pandemia como durante.

Travel + Leisure a reconoce e efectonan drastico cu COVID-19 tawata tin riba e industria di biahe, y a agradeci su miembronan pa a cuminsa biaha atrobe, mientras animando otro nan pa cuminsa explora mundo atrobe. E medio a comparti “un excelente hotel ainda por pone un sonrisa riba bo cara, vooral ora tur cos rond dibo ta sinti caotico.” 

E ganadornan den Caribe a wordo nomina door di votadornan pa nan prioridad pa privacidad y dunando fabor na hotelnan mas chikito, cu hopi espacio of completamenta aisla.  Bucuti & Tara semper a ofrece su huespednan hopi espacio, privacidad y trankilidad como un adults-only resort. E pandemia a crea un oportunidad pa e resort eleva su concepto di social distance door di ofrece hopi espacio liber den un ambiente sumamente romantico. E protocolnan hi-tech y grado hospitalario contra COVID-19, a wordo alaba door di e resort su huespednan pa a duna nan e oportunidad pa pasa un vakantie trankilo y memorabel. 

“Nos ta sinti honra y agradecido un biaha mas na e Travel + Leisure magazine y na tur e votadornan cu a selecciona Bucuti & Tara como ganador di 2021 World’s Best Award,” Ewald Biemans, doño/CEO di Bucuti & Tara Beach Resort ta conta. “E vakantie di mas saludabel, seguro y romantico ta wordo haya kinan na Bucuti & Tara y na nos dushi isla natal y ganador di Travel + Leisure winner, Aruba!”

Travel + Leisure’s World’s Best Awards por wordo mira den nan revista di Oktober. 

E ultimo noticianan 

E premionan di Travel + Leisure ta forma parti di un serie di premionan duna na Bucuti & Tara durante e ultimo aña. Na principio di zomer, Tripadvisor a nombra Elements (e restaurant di e resort) como No. 2 Top Places for Date Night na Mundo. Wine Spectator, e autoridad di mas grandi di biña na mundo, tambe a honra Elements pa e di tres aña consecutivo cu su Award of Excellence. 

Pa mas informacion, bishita Bucuti.com.

Mas Informacion Tocante Bucuti & Tara

Declara como e prome CarbonNeutral®/net zero hotel den Caribe na Augustus 2018, Bucuti & Tara Beach Resort ta un di e Top 10 Hotelnan pa Romantismo na Mundo (pa di 3 aña consecutivo), No. 1 Hotel den Caribe, No. 1 Hotel pa Romantismo den Caribe (pa 6 aña consecutivo) y No. 3 Hotel pa Servicio den Caribe. Aruba su principal boutique resort pa adulto so, ta wordo dirigi door di e hotelero y ambientalista renombra, Ewald Biemans, nombra door di Caribbean Journal como e 2017 Caribbean Hotelier of the Year. E resort ta situa alrededor di e santo blanco di Eagle Beach, locual ta e hogar pa tortuganan marino protehi y a nombra como un di e “Dream Beaches of the World.”

Bucuti, awo conoci como e Experiencia di Biahe di Mas Seguro y Saludabel danki na su protocolnan di seguridad hospitalario contra COVID 19 y Aruba su Health & Happiness Code seal, tin 104 guestrooms, suites and penthouses. E ta ofrece sunloungers y sombra pa cada huesped; infinity pool di awa fresco; spa; WiFi; y un iPad cu Skype complimentario pa uzo diario. Cuminda saludabel y premia por wordo disfruta na Elements (dilanti lama), Tara Lounge of cu private beach dining. Reserva exclusivamente pa su huespednan, e recientemente renoba SandBar ta ofrece cocktails di calidad halto y live-music hunto cu Caribe su prome Healthy Hour. E resort ta TAG Approved® como un LGBTQ-friendly hotel. Bucuti, un leader mundial pa turismo sostenibel, tin e proximo eco-certificacionnan: LEED Gold, Green Globe Platinum y Travelife Gold y a wordo nombra e Resort di Mas Sostenibel na Mundo na 2016 door di Green Globe.

Share:

Leave a Reply

Your email address will not be published. Required fields are marked *