Diahuebs atardi a drenta informe di cu tin un container na candela den e mondi na Mondi Fierno y esaki tabata menasa un cas den cercania. Mesora a dirigi bomberonan na e sitio. Na yegada di e bomberonan nan a bin compronde cu den e container tabata tin muebles y articulonan di cas warda. Door di e intensidad di e candela e cayente a pega e otro container banda di dje tambe na candela. Bomberonan a pidi refuerso y tambe e “tankwagen” pa suministra e awa. Despues di un lucha continuo y cu mas biaha e tankwagen a bay busca awa a domina e candela y a sigui pa “na blussen” pa paga e candela por completo.