Diahuebs atardi a drenta informe di un accidente cu varios auto envolvi y cu hende herida pabao di rotonde banda di Drive-Inn, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 4 auto unda cu e chauffeur di un Mitsubishi Lancer bayendo direccion pariba yegando rotonde banda di Drive-Inn no a regula su velocidad ni a mantene distancia a bay dal fuertemente tras di un Honda CRV consecutivamente e Honda aki a bay dal tras di un Nissan March y e March a bay dal tras di un Ford Ecosport. Debi na e impacto den tur e autonan e chauffeurnan a resulta herida cu excepcion di esun di e Ford. Na yegada di e ambulansnan nan a transporta e 3 heridonan pa hospital.