Diadomingo mainta a drenta informe di cu tin un persona mal benta drumi banda di su auto cu motor y wiper cendi na Citgo Wayaca, mesora a dirigi un patruya na e sitio. Na yegada di e patruya a bin encontra cu un BMW motor cendi cu wiper ta traha y cu 2 tire cu kap, anto e chauffeur mes mal benta banda di e vehiculo. Polis a logra lanta e chauffeur cu a lanta basta trankil y a bisa polis sorry pero ela slip riba caminda muha subi acera kap 2 tire y cu e tabata asina cansa cu e no sa con pero a pega soño. Pa su sinceridad y honestidad polis a parkeer e auto p’e y a hiba e chauffeur na su cas pa mas laat e recupera y asina bay resolve e problema di su auto.