Diadomingo mainta a drenta informe di un accidente cu hende herida na e birada di Noord pariba di “Brug di Madushi”, mesora a dirigi tanto polis como ambulans na e sitio. Na yegada di e patruya a bin compronde cu 2 wiel di e auto a baha for di caminda net den e bocht y ora e dama chauffeur a core subi caminda bek e vehiculo a perde control te bolter bay casi cay den e rooi banda di caminda. E vehiculo a keda wielnan pa laira y wanta den e mata. Door di e impacto di boltermento e dama a resulta herida y tabata keha di hopi dolor na su pianan. Na yegada di e ambulans nan a atende e victima y a transporte pa hospital.