Diabierna anochi a drenta informe di un problema entre un pareha di e mesun sexo banda di Bubali Plas, mesora a dirigi un patruya na e sitio. Na yegada di e patruya a bin compronde cu aki ta trata di un problema di un pareha di e mesun sexo unda despues di a discuti un di nan kier a mata su curpa den Bubali Plas. Polis a solicita bomberonan y tambe e helicopter pa asina logra localisa y rescata e persona. Despues di basta lusamento cu yamamento a logra convence pa e yega cerca y asina polis a logra detene. Bomberonan mester a laba e awa sushi na curpa di e persona pa asina transporte pa warda di polis.
Dicon nan ta detene un hende paso e kier a kita su propio bida? No ta cu nan mester dune ayudo cu slachtofferhulp pa e compronde cu loke e kier a hasi no ta bon? Bo kier mata bo curpa, y ora nan convencebo pa no hasie, bo ta wordo deteni? Cua crimen e la comete? Increibel….