Diasabra madruga a drenta informe di cu tin un homber mal herida benta banda di caminda na Bubali, mesora a dirigi tanto polis como ambulans na e sitio. Na yegada di e patruya a bin encontra cu un homber mal herida curpa y cara golpia cu nanishi ta sangra. Polis a solicita ambulans pa e persona. Polis a purba comunica pero tabata dificil compronde locual e victima tabata bisa ya cu e tabata tur tolondra y tabata papia cosnan bruha. Na yegada di e ambulans nan a atende e victima y a nota cu e mester ricibi atencion medico mas avansa y mester hib’e hospital.