Diadomingo mainta a drenta informe di un accidente hit & run na Savaneta pero hendenan atento a tuma e number di auto. Ora polis a yega nan a duna polis e marca modelo color y e number di auto. E polis di trafico no a perde tempo y a bay na e cas unda e auto ta registra na Rooi Bosal. Eynan polis a bin haya e plachi number pega riba un otro auto pero a haya e auto cu e descripcionnan cu ela ricibi tambe na e cas y polis por a mira claramente e daño door di e impacto. Como cu e chauffeur no kier a sali pa atende cu polis, e oficial a dicidi di confisca e auto. A solicita un takelwagen y a bay cu e auto pa mas investigacion.