Diadomingo merdia a drenta informe di un accidente cu hende herida na Boton, mesora a dirigi tanto polis como ambulansnan na e sitio. Na yegada di e patruya a bin compronde cu aki ta trata di un accidente frontal unda cu un Jeep a tuma su birada mucho grandi y ora a mira trafico contrario a purba baha caminda pero ya e impacto tabata inevitable y nan a dal den otro. Debi na e fuerte impacto un dama den e Jeep a resulta herida mientras den e otro auto un dama cu 2 yiu. Na yegada di e 2 ambulansnan cu e rapid responder nan a atende e victimanan y a transporta 4 heridos pa hospital.