Diahuebs anochi a drenta informe di cu un hoben a resulta seriamente maltrata durante un evento di carshow y ta na caminda pa hospital, a dirigi patruyanan na e carshow como tambe na hospital. Na yegada di e patruya na e evento por a compronde cu aki lo ta trata di algun persona cu lo a caba di bandona e sitio den un Toyota Vitz blanco. Tur e datonan di esaki a ser pasa na polis. Na hospital por a compronde cu e hoben di 17 aña a yega eynan cu un herida severo na su boca y tabata sangrando profusamente. Den sala di emergencia e tabata ser atendi pa e personal medico. E maltrato severo aki lo por ta debi na cu e hoben ta anda cu un mucha muher cu recien a caba cu un relacion anterior y e ex a tuma vengansa contra e victima. Polis ta investigando e caso aki!