Diadomingo madruga a drenta informe di un dama yamando cu un telefon number americano indicando cu e ta na un cas na Jamanota y nan no ta lag’e sali, mesora a dirigi e patruya na e sitio. Na yegada di e patruya a nota e adres duna ta trata di un cas bandona unda segun un bisiña ningun hende ta biba eynan. Como cu e dama a yama cu un number di telefon celular americano no tabata posibel pa comunica cun’e. Despues di un rato e mesun dama a yama y a indica cu aki ta trata di un cas nobo full na final di caminda cu un bentana grandi riba e sero. E biaha aki polis a haya e cas como cu a duna mihor ubicacion y indicacion. Polis a bin compronde e momento ey cu aki no ta trata di secuestro pero di un caso di problema di famia local!