Diadomingo madruga a drenta informe di un accidente banda di e consultorio di Dr. Yagua na Noord, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur burachi den un Kia Rio yegando na final di e caminda “T” no a regula su velocidad ni a mantene distancia a bay dal tras di un Nissan Almera. Afortunadamente ningun hende a resulta herida. Polis a detene e chauffeur burachi pa a core auto bao influencia y causa un accidente.