Diasabra madruga a drenta informe di cu tin un auto memey caminda para cu wiel kibra y e chauffeur drumi tras di stuur den Weststraat, mesora a dirigi un patruya na e sitio. Na yegada di e patruya a bin encontra cu un Hyundai Getz cu sla den banda cu wiel kibra y tras di stuur un chauffeur burachi basta cansa y na soño polis mesora a detene e chauffeur y a pidi un takelwagen pa move e auto for di caminda.
