Den oranan di atardi a drenta informe di un problema grandi na Semeleerstraat, mesora a dirigi un patruya na e sitio. Na yegada di e patruya a nota un multitud na e sitio y a solicita presencia di mas patruya na e sitio. Eynan polis a compronde cu un cacho pitbull a drenta cura di un bisiña y a bay stret pa ataca un habitante. No cuanto nan a bisa e cacho pa e sali ela sigui ataca e habitante. A pasa man pa un machete serca y a dal e cacho cu esaki mortalmente. Pa motibo cu a mata e cacho e doño a rabia y a bay busca problema cu esnan cu a mata su animal. Polis a interveni den e asunto y cu presencia di e refuersonan e ambiente a calma y polis a avisa e doño pa yama Serlimar pa pasa recoge e cadaver.