Diabierna mainta a drenta informe di un caso di destruccion na e Celsite di Setar na Barcadera, mesora a dirigi un patruya na e sitio. Na yegada di e patruya a bin compronde cu desconosido(nan) a bini den oranan di madruga y causa destruccion na e fusebox grandi pafo di e site. Tin tur indicacion cu usando un baranca e malhechornan a dal varios biaha e fusebox. Hopi chispanan di coriente a spart. Polis a tuma datos di e susedido y ta pasa esakinan pa recherche cu lo sigui cu e investigacion.