![](https://www.awe24.com/wp-content/uploads/2020/01/B14E6A1E-279C-4CA3-9B2C-A78924FD25F1-668x334.jpeg?v=1579688355)
Diamars merdia a drenta informe di un accidente cu hende herida dilanti Bloemond Supermarket na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Hyundai Tucson biniendo di pariba a bira na man robez pa bay na e supermercado pero ela bira dilanti un Chevrolet color blauw cu tabata bini di pabao bayendo pariba. E impacto tabata fuerte pero afortunadamente e chauffeur a resulta levemente herida. Na yegada di e ambulans nan a atende e victima.