![](https://www.awe24.com/wp-content/uploads/2020/01/2D85BE57-C1F4-445C-A910-844EBDA5A3F1-640x334.jpeg?v=1579690415)
Diamars atardi a drenta informe di un pelea formal cu ta tiramento di piedra cu botter banda di e veld di Dakota, mesora a dirigi varios patruya na e sitio. Na yegada di e patruya a topa cu solamente un hoben cu nan a dal gara. Pero despues di a combersa un rato cun’e, a dicidi di lague bay. Aparentemente esey tabata esun cu nan a bringa cun’e of a tire cu piedra y boter. Mientras cu e Polisnan tabata den Dakota ainda, nan a bay cu velocidad halto for di e sitio y a yega den Pindastraat. Ey a detene tres hoben, kendenan lo ta esnan cu tabata envolvi den e supuesto pelea riba un veld di bala algun rato prome.