Dialuna mainta a drenta informe di un caso di atraco brutal cu hende herida na Pastechi House den Caya G.F. “Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki no ta trata di un atraco arma na e lugar sino un maltrato pisa di un empleada pa un conosir di dje cu a agredi e dama lagando e herida y a bay cu algun pertenencia di e dama. Na yegada di e ambulans nan a atende e victima y a transporte pa hospital.