Diaranson mainta a drenta informe di cu lo tin un cas na candela na Hooiberg, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un camber na candela. Na yegada di bombero mesora a nota cu aki ta trata di un candela den e sistema di e coriente den un camber y mesora a baha e fusenan y a cuminsa paga e candela mientras a pidi Elmar bini na e sitio pa revisa e instalacion. Unabes cu bomberonan a paga e candela a bay over na habri tur e bentananan di e cas pa asina saca a acumulacion di huma den e cas. Algun bentana tabata tin poco dificultad pa habri pero bomberonan a logra habri esakinan.