Diaranson mainta a drenta informe di un accidente cu hende herida pariba di e rotonde banda di Acero riba E.J.”Watty” Vos blvd, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cube chauffeur di un Honda Fit a bay subi e caminda net ora un pick-up tabata bini for di pariba y nan a dal den otro unda e pick-up a bay keda dwars riba e caminda y cu e chauffeur di e Honda Fit herida. Na yegada di e ambulans nan a atende e victima y a transporte pa hospital.