Diaranson mainta durante patruya na Liniar Park polisnan a ser para pa un dama cu a indica na nan cu posiblemente nan lo ta hortando den Chill Cafe, mesora e polisnan a baha check y a ripara cu e rolluik banda pabao di e lugar ta hisa y wanta cu un kack di auto. Como cu no a encontra ningun hende den e lugar nan a sigui cu nan patruya. Un rato despues e propietaria a presenta y a yama bisa cu ladronnan a drenta horta na su lugar. Na yegada di e patruya e dama a declara cu e ladronnan cual ta 2 a forsa e rolluik pa a drenta paden horta laptop y varios botter di bebida. Ademas indica cu riba e grabacion di e camaranan di seguridad a capta e mesun ladron cu pa di 5 biaha a kibra drent horta na su lugar. E departamento tecnico y forensyco a presenta pa asina colecta tur evidencia cual por encrimina e ladronnan.