Diamars atardi laat a drenta informe di un accidente cu hende herida na crusada Weg Kustbatterij cu Grote Bergweg, meaora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Nissan March biniendo for di Weg Kustbatterij no a duna preferencia na un pick-up di trafico di man drechi biniendo for di Grote Bergweg. E impacto tabata basta fuerte te cu ambos auto a bira 90 grado y ambos chauffeur a resulta herida. 2 Ambulans a presenta pa atende ambos victima y a transporta nan pa hospital. Polis a pidi pa e departamento tecnico y forensyco presenta pa documenta e accidente aki.