Recherchenan atento di distrito 3 (Sanicolas) ta sigui score cu nan investigacionnan di serie di kiebro cu ladronicia na varios cas. Despues di cu den oranan di mainta a detene 2 dama pa ladronicia y den anochi despues di a emiti orden di buskeda y detencion di 2 Colombiano, anochi oficialnan di frontera a detene e 2 sospechosonan tratando di hui bek pa colombia. E 2 sospechosonan aki a ser deteni na airport y a ser hiba na warda di polis pa mas investigacion.